عمري انته

يقولون العمر زهره .. نحب ناس و نفارق ناس .. نضحك بيوم و نبجي بيوم ثاني .. و الي يخلي عمره زهره اهو الي يخلي عشقه يقاوم كل الظروف..

آلاء حياتي فيه سؤال يقرقع ببالي من مدة .. ويي شنو اهوه حبيبي ؟ .. توعدني انج تجاوبيني بكل صراحة ؟ .. اوعدك..

حبيبتي انا شنو بالنسبة لج ؟.. انته ممم كل شي .. شلون ؟ .. انته حياتي .. و بعد ؟ .. انته قلبي .. و بعد ؟ .. انته عمري و روحي و دنيتي كلها

اذا انا روحج و قلبج و دنيتج عيل انتي شنو بالنسبة لي تظنين ؟ .. ما ادري انت قولي..

انتي النفس الي اتنفسه انتي الشوق الي ما اقدر اتحمله انتي عذاب قلبي .. هديتج قلبي بكل محبة و طلبتج انج تعتنين فيه و وفيتي بهل الوعد شبقى يا عمري اقدر اعطيج ؟

حبيبي حسن اذا انا ما أوفي لك أوفي حق منو ؟ ..

يضمها و يبوسها على خدها.. و يحط عينه بعينها..

عسى الله لا يحرمني منج..

تبتسم و تقط روحها على صدره.. يحضنها..

حبيبي قولي الصج شنو اكثر شي يعجبك فيني .. شنو فيني زود عن باجي البنات ؟ .. ما ادري سإلي قلبي..

ترفع روحها اشوي و اطالعه بعيونه .. اطقه على كتفه..

يلا عاااد قوول.. تذكرين أول يوم شفتج فيه ؟.. ايي.. نظرتج لها طعم ما ادري شلون اوصفه نظرتج غيير احلى شي شفته بحياتي.. يومها بصراحة ما قدرت انام.. ههههههههههههه شدعوه .. شفيج تضحكين هذا الصج ؟ .. تصدق لو قلت لك انك يومها كنت باط جبدي.. افا ليش ؟ .. ما ادري ما احب احد يخزني.. خو احد يقدر يمنع عينه من القمر.. وااايي يعني انا لهدرجة حلوه ؟ .. بس حلوه الا احلى بنت بالكويت.. بس بالكويت ؟.. صج طماعة ولا تزعليين احلى بنت بالدنيا هذي كللللللهاااااااا ستانستي الحين..

تضحك و تحرك راسها..

بس باجر بتصيرين عيوز و يروح جمالج تره الجمال زوال.. هييي فال الله ولا فالك.. بس الحلو من داخل يظل طول عمره حلو من بره.. بعد عمريي والله.. تصدقين انتي احلى شي مر عليي بحياتي كلها حتى كل نبضة بقلبي تقولج أحبج و روحي تشتاق لج بكل مكان و بكل زمان فديت جفونج الي ما تنام قبل لا انا انام عشقت الشفايف الي بوستهم عسل على قلبي هويت الاذن الي دوم تسمع لي حبيت صوتج الي دوم يرحيني

حبيبي يا الي علمتني كلمة أحبك .. حبيبي يا الي عشقت نبضات قلبك .. حبيبي يا كل أمنياتي .. حبيبي يا الي دوم عالبال طاري .. أحببببكككككككك بكل معاني قلبي

حبيبتي شنو الشي الي تتمنينه يصير الحين الحين .. اتمنى هاللحظة ادوم للابد و أبقى غالية بقلبك و روحك و وين ما تروح..

عسى الله يخلي كل حبيب لحبيبته و ما يفرق بينهم :)

انشوفكم على خير ^_^